PENGGING

pengging dalam sejarah ada sebuah dokumen yakni serat sri karongron 3 yang mana diutarakan bahwaanya petinggi keraton surakarta jika akan melakukan peristirahatan untuk rekreasi biasanya singgah di pengging

SRI KARONGRON 3

Pupuh kinanthi.

Ahad tanggal ping patlikur

Maksih wulan sapar wanci

Pukul setengah sawelas

Sampeyan dalem sang aji

Tedhak marang ngeksipurna

Lawan kanjeg prameswari

--------

Wigatinira sang prabu

Karsa dalem nguningani

Panamireng pethelan

Sekaran ladosan saking

Tuwan marsal ing bakulan

Tinata ing epot beling

---------

Saha lelangen ing umbul

Karan umbul dhara tuwin

Umbul penganten lerira

Ing wetan tan pati tebih

Karan umbul pangabean

Winangun dipun dandosi

-----

Wus pinager bata tepung

Sinungan panti kekalih

Ing kidul miwah ing weta

Cekli ngresepake ati

Minangka kamar busana

Yen mentas lelangen warih

--------

Tuwin malih wonten umbul

Aneng sangareping masjid

Ingaran umbul sungsang

Sedaya toyane wening

Maweh arsaning driya

Ingkang anderek sang aji

====

Datan pinanjang ing catur

Kang aneng ngeksipurna Pengging

Sareng prapta ri salasa

Tanggal ping nemlikur enjing

Dhawuh kondhur marang praja

Srinata wus ngenyapuri

============Sri Karongron 3.alih aksara : Moelyono Sastroatmo.Balai Pustaka.Jakarta.1981======